ಬೆಳದಿಂಗಳಾಗಿ ಬಾ...

ಸೆರಗ ಹೊದ್ದು ಮಲ್ಲಿಗೆ ಮುಡಿದು

ಮೃದು ನಗುವ ಬೀರೊಮ್ಮೆ,

ಜಲ್ಲೆನಬಹುದೇನೋ ಮಗು ಹೃದಯ ಮತ್ತೊಮ್ಮೆ.

ಬಿಟ್ಟು ಬಿಡದೆ ಬೇಕೆನಿಸುವ

ಹುಚ್ಚು ಹುಡುಗನ ಬಯಕೆ ನೀನು ,

ದೂರ ದೂಡಿದರು ,ಮುದುಡಿ ಮರಳುವ

ಬೇಡಾದ ಬಯಕೆ ನಾನು.

ಹಗಲಿರಲಿ ಇರುಳಿರಲಿ ನಿನ ಕನಸೆ ಕಾಣುವೆ

ನನಸಾಗಿ ಬರಬಾರದೆ ಓ ನನ್ನ ಪ್ರಾಣವೇ ,

ಸರಿ ಹೊತ್ತಿಗೆ ಸೃಜಿಸಿದ, ಶೃಂಗಾರ ಸಾರವೇ

ಜಗಕೆ ಜನ್ಮ ಕೊಡುವ ನಿನಗೆ ನಾನೊಂದು ಭಾರವೆ.

ನೀ ಅಡಿ ಇಡುವಲ್ಲಿ ಎನ್ನ ಮುಡಿ ಇಡುವೆ

ನವಿಲೇ, ನಾಚುವಂತೆ ಬಾ.

ನಿನ ಹುಡುಕೋ ಬರದಲ್ಲಿ ನಾ ಕುರುಡನಾಗಿರುವೆ

ಎನಾದರಾಗಲಿ ಬೆಳದಿಂಗಳಾಗಿ ಬಾ...