ಮೊಬೈಲ್: ಕಾಣಿಸದು ಕೇಳಿಸದು ಅನ್ಯರಿಗೆ ನಿನ್ನ ಮನಸ್ಸಿನ ಅಂತರಂಗ

ನೋಡಲು ಸುಂದರ , ಮುಟ್ಟಿ ನೋಡಿದರೆ ಅತೀ ಸುಂದರ.

ಒತ್ತಿದರೆ ಕಣ್ಣಿಗೆ ರಾಚುವ ಬೆಳಕಿನ ಚಿತ್ತಾರಗಳ ಹಂದರ .

ನೀನಾಗಿರುವೆ ಜಗದಲಿ ಸರ್ವ ಜನಾಂಗದ ನಾಡಿ ಮಿಡಿತ.

ನಿಲ್ಲಿಸಿದೆ ನೀನು ಅದೆಷ್ಟೋ ಹಕ್ಕಿಗಳ ಎದೆ ಬಡಿತ .

ಅಪರಾಧ ತನಿಖೆಗೆ ದಾರಿಯಾಗಿ, ದುಷ್ಟ ಕೂಟಕ್ಕೆ ವರವಾಗಿ,

ಸುಲಿಗೆ ಸಂಚಿಗೆ ನೆರವಾಗಿ ,ಹತ್ಯೆ ಪತ್ತೆಗೆ ಸಾಕ್ಷಿಯಾಗಿ ,

ನಾನಿಲ್ಲದ ನೀನು ನೀರಿಲ್ಲದ ಮೀನು ಎನ್ನುವ ಜಂಬವು ನಿನಗೆ .

ಕಾಲಚಕ್ರ ಉರುಳಿದಂತೆ ಕಾಲಗಳು ಬದಲಾದಂತೆ ಉಳಿಗಾಲವಿಲ್ಲ ಕೊನೆಗೆ.

ನೀನಿರುವೆ ಎಲ್ಲರ ಕೈಯಲ್ಲಿ,ನಿನ್ನ ಬಾಲವು ಹಲವರ ಕಿವಿಯಲ್ಲಿ .

ನೀನಿದ್ದರೆ ಕೆಲವರ ಕೈಯಲ್ಲಿ,ಬೇರಾವುದೂ ಬೇಡ ಈ ಜಗದಲಿ.

ಗಾಳಿಯಲಿ ಅಲೆಯಾಗಿ ತೇಲುವ ಮಾತುಗಳ ತರಂಗ.

ಕಾಣಿಸದು ಕೇಳಿಸದು ಅನ್ಯರಿಗೆ ನಿನ್ನ ಮನಸ್ಸಿನ ಅಂತರಂಗ

(ಅಂತ್ಯ ಪ್ರಾಸ ಪ್ರಯೋಗ)........